السفير البريطاني
نشرت الصفحة الرسمية للسفارة البريطانية بمصر على "فيسبوك"، مقطع فيديو للسفير جون كاسن من شارع المعز، يودع فيه المصريين بعد انتهاء مدة عمله في القاهرة.
وعنونت الصفحة، مقطع الفيديو، بـ"السفير البريطاني جون كاسن": "ماينفعش امشي من غير ما أسلم عليك ممفيش مع السلامة إنما إلى اللقاء".
وقال كاسن: "أنا بكلمكم النهاردة من واحد من الأماكن المفضلة لي في القاهرة وهو شارع المعز، الأسبوع ده تخلص مدة عملي هنا في مصر، ومينفعش أمشي من غير ما أسلم عليكم، لسة فاكر أول يوم كأنه النهاردا ولسه فاكر أول تويته".
وأضاف: "اتبسطت كتير بالحوار معكم واتعلمت منكم واشتغلت كتير من أجل المصريين، وأنا فخور بأن بريطانيا هي الشريك الأول لمصر في الاقتصاد، وبقت شريك مهم جدا في دعم رؤية الحكومة المصرية عشان كل مصري يستفيد من النمو الاقتصادي".
وتابع: "لو أنت عايز تفهم رؤية المصريين.. وهما شايفين بريطانيا ممكن تفيد مصر إزاي.. روح مكان ما المصريين قاعدين.. يعني تويتر وفيس بوك والشوارع.. اتعلم من المصريين واتعرف عليهم.. هتعرف إنهم ناس اللي في قلبهم على لسانهم.. وأحلى ذكرى هتبقى في بالي هي المناقشات مع المصريين، هتوحشوني وهتوحشني أماكن كتير في مصر.. هتابع إنجازاتكم حتى سيطرة المصريين على الأسكواش.. هشجع محمد صلاح من المدرجات.. وهقابل مصريين كتير في شوارع لندن.. فده مش وداع إنما إلى اللقاء.. متقطعوش بيا".
تعليقات الفيسبوك