«حب من أول نظرة»، هكذا بدأت قصة تعارفهما التى كللت بقرار زواج سريع، من أعلى قمة جبل موسى بجنوب سيناء كان اللقاء الأول الذى ولد الشرارة لقصة حب جمع بين بطليها حبهما للسفر. أحمد بدر، استغل حبه للتصوير والسفر، لخوض رحلة مع زوجته لكل محافظات مصر.
«اتخطبنا بعد 18 يوم من أول تعارف بينا، مكناش نعرف إن النصيب هيجيبنا المكان ده تانى بس وإحنا متجوزين»، نسبة التوافق الكبيرة بينهما جعلت زواجهما تم فى قرابة 6 أشهر فقط بتيسيرات كثيرة: «اتجوزنا بسرعة جداً، كان القرار مش سهل على الإطلاق ويخوف لأنه سريع، اتغاضينا عن إننا نجيب غرفة صالون وسفرة والنيش لقينا إن وجودنا مع بعض أهم من كل الكماليات دى، حتى الشبكة كانت خاتم ودبلة بس»، رحلة كل شهر هو النظام الذى يتبعه الزوجان حتى يشبعا حبهما للسفر: «تحضير شنطة السفر بيكون شىء ممتع بالنسبة لينا، السفر بقى عبارة عن أسلوب حياة، والسفر بيدينا طاقة كبيرة وتجديد للنشاط».
نويبع وطابا وشرم الشيخ والنوبة والإسكندرية هى أبرز الأماكن التى سافر إليها الزوجان فى بداية زواجهما: «أنا قبل الجواز لفيت مصر كلها لوحدى وصورتها لكن حبيت أكرر التجربة مع زوجتى»، يرى «أحمد» فى كل مرة يزور بها إحدى مدن مصر الأماكن السياحية بعين مختلفة وعدسة جديدة: «إحنا زرنا نويبع 6 مرات، سيناء لفيناها كلها، أسوان والنوبة 5 مرات، لينا فى كل مكان وشارع ذكرى».
السفر لتركيا يعد بمثابة الحلم لهما: «نفسنا جداً نروح هناك، ثقافة مختلفة عننا وبلد سياحية جداً.. نفسنا نلف العالم بس طبعاً التكاليف، هتكون مرتفعة جداً».
تعليقات الفيسبوك