رمضان مع الجمل على شاطئ روميل بمطروح
ليس غريباً أن تذهب إلى شاطئ «روميل» أو «بسنت» فى محافظة مرسى مطروح، وتجد جملاً يسير على شاطئ البحر، فرمضان يوسف، أشهر جمّال فى مطروح، اعتاد أن يذهب إلى الشاطئ ومعه الجمل ليرتزق من المصطافين.
صورة مع الجمل بـ5 جنيهات وركوبه لفة واحدة بـ25 جنيهاً، هكذا وضع «رمضان» تسعيرة خاصة للمصطافين: «كنت الأول بشتغل فى الخيول لكن لما اتجهت للعمل فى الجمال سوقى اشتغل أكتر، الكبار والصغيرين بيحبوا يركبوا الجمل ويتفسحوا بيه»، حصوله على قرض حسن بقيمة 22 ألف جنيه ساعده على فتح مشروع للجمال على شاطئ روميل: «كنت وارث جملين عن والدى، وبفلوس القرض قدرت أشترى جمل من واحد معرفة فى الواحات».
ويعد فصل الصيف موسماً بالنسبة له: «الناس بتيجى تركب الجمل بـ5 جنيه وتتصور هى وعيالها، وساعات بعمل تخفيض فى أيام الذروة وأخلّيها بـ2.5، المهم الناس تتبسط»، لم يقتصر الأمر على التقاط الصور فقط، ولكن عمل بعض الجولات أيضاً: «الجولة بـ25 جنيه بس، وما يجمعنى بالناس والعاملين بالشاطئ هو الحب والاحترام للزبائن، أهم حاجة المعاملة، أما الرزق ده بتاع ربنا».
وعن محاولاته لترخيص الجمل: «حاولت أطلّع ورق أو ترخيص للجمل من الجهات الرسمية رفضوا، ساعات المرافق بتجرى ورايا عشان كده عاوز أرخّص.. بدل شغل القط والفار ده»، وأكثر ما يثير استياء «رمضان» هو الأفواج السياحية التى تأتى إلى الشاطئ: «بيقعدوا يفاصلوا كتير، وده بيضايقنى».
تعليقات الفيسبوك