مشروب «الكوكونت» الطبيعى، المفضل للاعب نادى ليفربول المصرى محمد صلاح، الذى ظهر به خلال رحلته السياحية الأخيرة فى جزر المالديف، أصبح مطلباً للكثيرين، الراغبين فى تجربته والتصوير به على غرار لاعبهم المفضل، وهو ما دفع أحد محال العصائر فى مدينة 6 أكتوبر إلى الإعلان عن توافر المشروب ومشروبات أخرى طبيعية، بطيخ، أناناس، وغيرهما.
«إحنا شغالين فيها من فترة لكن ماننكرش إن من بعد ما صلاح اتصور بيها، بقت العصاير دى عليها طلب كبير، ووفرناها ديليفرى جوه البيت كمان»، بحسب عمرو عبدالعال، مسئول التوزيع بالمحل، الذى يؤكد أن العصائر طبيعية دون إضافة أى مواد صناعية: «مابنخلطش فاكهة على بعضها، ثمرة البطيخ مثلاً ماينفعش أحط عليها حاجة تانية، لحم البطيخ نفسه اللى بنخرجه منها، هو ده اللى بيتعمل عصير وبنحط قطع من البطيخ، وفيه حاجات تانية بنعملها كوكتيل، بنفرغ الفاكهة كلها ويتحط جواها فاكهة تانية».
تختلف أسعار العصائر حسب نوع الفاكهة: «البطيخة بـ80 جنيه، وجوز الهند بـ100، الأناناس بـ150، وفيه ناس كتير بيطلبوها من البيت أو الشغل، بس خدمة الديليفرى جوه الكومباوند بس، وبيتصوروا بيها ويبعتولنا، وكل ده فى بيتهم من غير ما يضطروا يسافروا»، وأكد «عمرو» أن المحل له فرع آخر فى الساحل الشمالى.
تعليقات الفيسبوك