محمد رمضان والشاب الذي تكفل بزواجه
بمزحة بسيطة، أصبح الشاب أمين محمد، حديث مواقع التواصل الاجتماعي وعناوين الصحف المصرية، بعد إعلان الفنان محمد رمضان التكفل بمصاريف زواجه أواخر الشهر الماضي.
كان ذلك بسبب تعليق تركه أمين محمد، على صفحة الفنان يطلب منه "يا أسطورة عايز 15 ألف جنيه علشان اتجوز.. اتفحت بصراحة"، لكنه لم يكن يتوقع ردود الأفعال عليه واستجابة "رمضان" له "كنت بهزر وماكنش في نيتي حاجة أنا وصحابي وهو رد عليا واتفاجئت بكل الصفحات أن محمد رمضان يتكفل بزواج شاب".
وأكد أمين لـ"الوطن"، تنفيذ محمد رمضان وعده له، "تاني يوم بعد الكومنت كلمني واتصل بيا وأداني رقمه الشخصي وأداني ميعاد وقابلني مقابلة ماكنتش أتوقعها، كأنه واحد بيقابل أخوه، قلتله أنا كنت بهزر كفاية أني شفتك، قالي دي نقطة أخويا الصغير وماينفعش تكسفني، وأداني اللي طلبته".
وعبر أمين، الذي سيقيم حفل زفافه في أكتوبر المقبل، عن حبه لرمضان، "راجل وبحب تمثيله، وكفاية أنه أوفى بوعده وقد كلامه"، منتقدا من يهاجم "الأسطورة": "ياريت كل اللي بيهاجمهوه ويقولوا إنه مغرور يا ريت يتعاملوا معاه وبعدين يحكموا عليه".
تعليقات الفيسبوك