"لو المصري طلع الفضاء".. سيناريو تخيلي عبر "تويتر": "مش هينسى المحشي"

01:45 م | الخميس 05 أبريل 2018

الفضاء

كتب: رحاب عبدالراضي

بخفة دم المصريين كالعادة، امتلأت تعليقات رواد موقع التواصل الاجتماعي "تويتر"، على هاشتاج "لو المصري طلع الفضاء"، بالعبارات الساخرة.

وتصدر الهاشتاج قائمة أكثر الهاشتاجات تداولا على موقع التغريدات القصير، في سيناريو تخيلي لوقوع الحدث، وجاءت التعليقات كالتالي:

- "هيجيب الفضاء الأرض".

- "مراته هتتصل عليه كل خمس دقايق تساله انت فين.. وممكن تقوله هاتلنا حاجة حلوة معاك من الفضاء ".

-"هيدور على قهوة عشان يخد واحد شاى وحجر معسل".

-"هيدور على واي فاي".

-"هيعد النجوم فعز الظهر".

-"هتعدى الثقب الأسود اللى على شمالك ده وتختم الورقة دى و تجيلنا بعد 30 سنة ضوئية تاخد البطاقة ".

-"طبعا مافيش بدلة والكلام دة، دي الفانلة الحملات والبوكسر، وحلة محشي حلوة وفسيخ ورنجة، ودا كفاية إن الفضائيين يعلنو الحرب علينا ونبقى كدة حققنا أمنية الأمريكان في أفلامهم".

-"فضاء ايه و نيلة إيه نعدي صلاح سالم الأول وبعدين مشوف الموضوع ده".

- "البنات هتاخد سيلفي الفضاء الحلو بزيادة".

- "مش هينسى ياخد معاه حلة المحشي و طبق الكشري وفتة كوارع ورنجة وفسيخ وسجارتين ملغمين".