عيادة مؤمن
ارتفاع أسعار الكشف الطبي، وغلاء الأدوية يضطر بعض المرضى إلى الامتناع عن زيارة الطبيب، الأمر الذي ينعكس سلبًا على حالتهم الصحية، وهو ما دفع مؤمن أشرف، طبيب أسنان، إلى فتح عيادات خاصة شاملة كافة التخصصات الطبية، بشارع وادي النيل، في مدينة الزقازيق، بمحافظة الشرقية، بأسعار مخفضة للكشف تتراوح ما بين 20 إلى 30 جنيها، كما يوفر لهم العلاج مجاناً.
يتعاقد «مؤمن» مع شركات الأدوية على توفير كميات كبيرة من العينات المجانية، لتوزيعها على المرضى غير القادرين، عقب خضوعهم للكشف، لمساعدتهم على توفير جزء كبير من العلاج «لما أديهم أنا عينة تبقى شريط أو اتنين يبقى أنا كده بوفر عليهم كتير والباقي ممكن يشتروه من برة»، وهناك بعض شركات الأدوية التي تتعاون معه على توفير بعض أنواع مختلفة من الأدوية لتوزيعها على المرضى غير القادرين مجاناً، «وفي بعض الشركات رفضت أنها تتعاون معايا دلوقتي هما اللي بيجروا ورايا عشان اتعاقد معاهم، لما لاقوني بتعاقد كتير مع الشركات مقابل الأدوية اللي بيوفروها».
افتتح "مؤمن" العيادات في رمضان الماضي، أمام المواطنين، فهو يعتبر أن العمل بمهنة الطب، هي عمل أخلاقي قبل أن يكون وظيفة يمارسها الطبيب «لازم نراعي ظروف المرضى كويس جدا خصوصا الناس اللي ممعهاش، لأن إحنا كدكاترة من الآخر بنكسب وبيجلنا فلوس، فلازم يكون عندنا ضمير ونبص للمش قادرين وعايزين يتعالجوا ومعهومش"، فهناك بعض الأطباء الذين يعملون بالعيادات يتنازلون عن ثمن الكشوفات، للأيتام غير القادرين على توفير سعر الكشف "أما الكشف عندي أنا في عيادة الأسنان بـ 20 جنيه، والشغل الداخلي في الأسنان بيكون بفلوس رمزية".
تعليقات الفيسبوك