مريم فخر الدين وفريد الأطرش
تنظر إليهما تشهر أنهما إخوة من شدة انسجماهما، وبسبب الصداقة القوية التي جمعتهما، وتتحدث الفنانة مريم فخر الدين، في حوار نادر، أذاعته قناة "ماسبيرو زمان"، عن ذكرياتها مع الفنان فريد الأطرش.
وتميز فريد الأطرش بإقامة العزومات والحفلات الدائمة، حيث عرف عنه الكرم الشديد. وتقول مريم فخر الدين عن عزومات الأطرش: "أكرم إنسان شفته في حياتي، مابيعرفش يتغدى ولا يتعشى لوحده، كل ماحد يكلمه يقوله تعالى كل معايا، ولما كنت بعزمه كان بييجي هو وعشرين نفر مثلا"، وأضافت: "قليل أوي لما الواحد يلاقي إنسان كريم بمعنى الكلمة زي الأطرش".
وروت مريم قصة حدثت في أحد عزومات الأطرش قائلة: "في مرة كنت عازمة فريد على الغدا عندي فالطباخ كل شوية يسألني أغرف يا هانم؟ أقوله لما ييجي الأستاذ فريد شفته وصل قلت للطباخ أغرف قعدت أستنى فريد يطلع ساعة، ساعتين مطلعش، نزلت أدور عليه لقيتوا قاعد على رصيف العمارة بيعزف ويغني للبوابين والخدامين".
وتابعت مريم فخر الدين: "قلتله إيه ده قالي إن عم عثمان كان عايز يسمع اللحن والأغنية الجديدة".
وعن ذكرى أخرى بينها وبين الأطرش، قالت: "هو كان قصير، فكان كل ما يشوفني جاية لابسة جزمة من غير كعب كان يديني جنيه".
وعن رأيها في تمثيله، قالت مريم فخر الدين "أنا مش هتكلم عن تمثيله العالم كله هو اللي يتكلم، ومش هقدر أضيف حاجة على فنه، بس أحلى حاجة فيه أنه بيمثل شخصية نفسه".
تعليقات الفيسبوك