دنيا سمير غانم
متعددة المواهب، رغم صغر سنها إلا أنها استطاعت أن يكون لديها عدد كبير من الجمهور بسبب خفة دمها، وموهبتها المتميزة في التقليد، وبراعتها في التمثيل بعدة لهجات، فنشأة دنيا سمير غانم وسط والديها اثنين من عمالقة الفن جعل الفن يجري في دمها.
تحرص دنيا على التواصل مع الناس قائلة في أحد اللقاءات التليفزيونية مع أمير كرارة "أنا من الحاجات اللي بحبها في الشخص المشهور أن بيبقى عنده تواصل مع الناس"، كما أنها لا تشعر بالثقة تجاه الناس بسهولة "لازم عشان لو حد عايزني أثق فيه يعمل أفعال كتير أوي وبيقعد كتير عشان أثق فيه".
وتتحدث دنيا على أهمية النقود بالنسبة لها: "الفلوس بالنسبة لي محبش أفكر فيها بزيادة ومحبش تبقى مش معايا خالص أحب أبقى في النص لأن هي شوية ورق هيروح وييجي أرزاق في الآخر"، كما وصفت نفسها بأنها ليست من الأشخاص الذين كل طموحاتهم شراء العديد من الأشياء "حاجات أوفر".
"هل علاقتك برامي عرفتي من خلاله أنه مختلف عن أي حب زمان".. سؤال كرارة لها لترد دنيا بأنها شخصية تقدس فكرة الزواج ودائما منذ صغرها تشعر بأنه شيء عظيم قائلة "طول عمري بحترم الزواج ومستنية الوقت اللي عندي زوج فيه وأحسسه أد إيه أنا مقدرة الحياة الزوجية".
وحكت دنيا عن أول لقاء بينها وبين رامي رضوان زوجها واصفة "من أول ما شفته حبيته"، واستكملت القصة أنهما أعجبا ببعضهما من البداية عندما التقيا سويا داخل كافيه اعتادت الخروج فيه هي وأصدقائها: "بالصدفة هو جاي وأنا موجودة مع اتنين أصحابي اللي يعرفوا، وعرفوني عليه".
وأوضحت أن رامي كان لا يفكر في حب أو الزواج من فنانة كونه يشعر أن الفنانين دائما في انشغال بسبب عملهم ولكنه شعر اتجاهها أنها إنسانة طبيعية ولم يشعر بطريقة أو أسلوب الفنانين على سبيل المثال "لا يردون على التليفون"، وفقا لوصفها.
فيما حاولت دنيا التعبير عن سبب حبها له فتحكي أحد المواقف "كنا قاعدين وقت بعد الثورة مكنش في شغل كتير كان في فراغ أوي فكنت بلعب مع أصحابي بدون كلام، لاقيته ذكي جدا فده بهرني أوي ولاقيته لذيذ وبيهزر"، وفي لحظة جلوسهما في اتجاه بعض شعروا بأن في حالة إعجاب بينهما "اتكسفت وقعدنا فترة أسبوعين مشوفناش بعض وبعدين اتقابلنا تاني مع نفس الأصدقاء" وبعد مرور شهرين عقدت خطوبتهما.
وعن المواصفات التي تحبها في رامي تقول دنيا "بحب فيه أنه ذكي، شاطر في شغله، طموح، عاقل كده قليل أوي لما تلاقي حد عايز يبقى حاجة ومحترم فيه مميزات الرجولة"، وعلى جانب آخر تحكي أن رامي يتمتع بقول الحق "يحب يعمل الحاجات اللي بيعملها الشعب كله في المصالح الحكومية مثلا من غير وسطة وحقاني بيحب يشوف الناس عايشة إزاي عشان يكلم بجد من القلب ومؤدب في نقده للضيف".
"رامي منظم أوي وأنا كمان منظمة بس لو مستعجلة أسيب الدنيا ولما أرجع أظبطها".. وصف دنيا لحياتهما داخل المنزل وتقول إن ذلك هو الشيء الذي يختلفا عليه دائما، كما أنها في بداية العلاقة كانت تشعر بالغيرة عليه جدا ولكن بعد ثقتها فيه بنسبة 100% لا تقلق من شيء.
تعليقات الفيسبوك