مع إبداعه في مجال الكوميديا، وحجز مقعده في صفوف أوائل النجوم، رأى الضيف أحمد، ضرورة تطوير نوعية الأعمال الكوميدية التي تقدم للجمهور، خلال حواره مع الإعلامية سلوى حجازي والكاتب ثروت أباظة.
وقال الضيف أحمد الذي درس الفلسفة وعلم النفس، "إن أثر الأعمال الفنية مش بييجي بشكل مباشر، بييجي على أساس مستوى معين من التفكير، ونوعية الأشياء التي تسعد الجمهور ومش أي حاجة ممكن تتعمل".
وعن تفضيله أي نوع من الكوميديا، "الفارس" أم "الإنسانية الاجتماعية" التي تبناها نجيب الريحاني، قال الضيف أحمد "أتمنى أن الكوميديا تبقى فارس فكري"، مضيفا "الجمهور بيضحك علشان بيفكر، بس مش أي حد يقدر يعمل حاجة فكرية تضحك الناس"، مشددا "لا بد من تطوير المسرح الكوميدي واتخاذ شكل جديد".
وضرب الضيف أحمد، المثل بمشاركته برواية "حدث في عزبة الورد"، "بنحاول نقدم حاجة مختلفة ومعلومة حقيقة على شكل كوميدي في هذه الرواية، يعني في روسيا ناس عايزين يتحكموا في الحجم فيجيبوا البني آدم ويصفوا دمه ويحطوه في درجة برودة معينة ويدخلوه جوا جهاز لمدة معينة على أساس انه مش هيحتاج الطاقة وهيعيش من غير أكل ولا حاجة، وفعلا نجحوا في التجربة، وفي روايتنا برضه بنجيب حاجات علمية خطيرة جدا والناس بتضحك على أساس أننا بنعمل الحاجة الخطيرة، متابعا "يا ريت نخرج عن المجتمع شوية ونفتح خيال الناس ونعمل حاجات كبيرة أوي".
تعليقات الفيسبوك