شيرين عبدالوهاب
دشن مستخدمو موقع التغريدات القصيرة "تويتر" هاشتاج "بشرب من نيلها ومش هسمع شيرين"، بعد تداول فيديو للمطربة شيرين عبدالوهاب، تسخر فيه من النيل خلال حفلها بالعاصمة اللبنانية "بيروت".
وردت شيرين، في الفيديو المتدوال، على فتاة طلبت منها أن تغني "ماشربتش من نيلها": "هيجيلك بلهارسيا.. اشربي إيفان أحسن".
وهاجم مغردو "تويتر" شيرين، وجاءت التعليقات على الهاشتاج كالتالي: "عمر الفلوس واللبس والشعر ما يعملوا بني آدم"، "رهانك على حُب الناس لموهبتك مش هينجيكي كل مرة.. انتِ عَدوة نجاحك للأسف"، "بلدها ادتها نجومية وفلوس وشهرة بس مش هنقدر نديها الأدب واحترام بلدها"، "المصريين من الخليج للمحيط بيبقوا مرعوبين من حفلات شيرين خارج مصر بسبب جهلها وقلة ذوقها اللي ممكن تتسبب في وقيعة بين شعبين حصلت في حفلاتها في تونس والمغرب قبل كده".
وتوالت التعليقات على الهاشتاج: "النجم ممكن يبقى موهوب في مجاله لكن مش بالضرورة يكون مثقف وشخص واعي لتصرفاته"، "واضح إنك نسيتي إن لولا نيلها ماكنتيش عرفتي يعني إيه إيفان أصلا"، "لو لم أكن مصرية كنت عشت عمري أموت من الغيظ أني مش مصرية والحمد لله إني مصرية"، "يا شيرين مش هقولك غير إن اللي مالوش خير في أهله، مالوش خير في حد، عيب أوي أوي أوي كده" و"هاني شاكر بيه سيادتك شيرين لازم يتاخد إجراء ضدها لو ما بتحترموش رأينا فاحترموا بلدنا".
تعليقات الفيسبوك