مشهد من محاولة إنقاذ الشاب
مشهد غريب لفت انتباها، لتقرر عدم السكوت على ذلك، فبمجرد رؤيتها لرجل "ملثم" وطفل صغير يصرخ داخل سيارة، بدأت في الصراخ من داخل سيارتها مع والدتها ووالدها وأطفالها، وهي تلاحق سيارة الملثم "ما كنتش اتخيل إن ممكن اتحط في الموقف ده".
داخل سيارتها في شارع حسنين هيكل عند العطارة الهندية، لاحظت يارا علاء الدين، المشهد الغريب "واحد ملثم وحد عمال يرفس في العربية على الكنبة وبلمح البصر والدي ابتدا يجري ورا العربية وابتديت أصوت عشان ألفت نظر الناس تساعد إننا نمسك الناس"، ليبدأ الشباب ملاحقتهم بـ"موتسيكل"، "الحمد الله ربنا قدرنا إننا نمسك الناس دول"، حسب ما نشرته يارا على صفحته بموقع التواصل فيس بوك.
واتضح أن مجموعة من الملثمين اخطتفوا شابا سوريا ظهرت عليه علامة الضرب والتخدير ومربوط بحبل، "بغض النظر عن الإصابات اللي حصلتلي أنا ووالدتي والعربية لإننا قعدنا نخبط جامد في العربية فضلنا واقفين لحد ما الشرطة جات واطمنا على الولد وبمساعدة ناس وشباب كتير أوي جريوا ورا الملثمين ومسكوهم وأخدوا علقة محترمة"، متابعة "اللي عايزة أقولوا إن اللي بيتخطف مش بس بنات لا ده كمان شباب خدو بالكم من نفسكم متأمنوش لحد على أد ما في أكيد ناس كتير أوي كويسة مع الأسف المش كويسين كتير برده ربنا يحفظ الجميع".
ووثقت يارا هذه اللحظة بفيديو نشرته عبر حسابها الشخصي على "فيس بوك"، ليلاقي هذا الموقف إشادة الكثيرين بها.
تعليقات الفيسبوك