حمام السباحة فوق سطح العقار الذى يقع بمنطقة عزبة النخل
يشهد أهالى منطقة عزبة النخل على أنه أكثر المبانى تميزاً من حيث التصميم والطراز، ارتفاعه شاهق يمتد إلى 15 طابقاً، كل منها يضم 5 شقق، أكثر ما يميزه هو السطح حيث قسمه صاحب العقار إلى جزأين: حمام للسباحة، وقاعة للحفلات، الحمام أقيم بغرض الترويح عن السكان سواء الرجال أو النساء كل فى يومه المخصص له، والقاعة تسهل على السكان تنظيم احتفالاتهم فيها سواء أفراح عائلية أو أعياد ميلاد، وكل ذلك مقابل اشتراك يدفعه السكان لصاحب العقار.
العقار الذى يقع فى شارع مؤسسة الزكاة، بعزبة النخل الشرقية، مزين طوال الوقت بالأنوار، ولذا فهو دائماً ما يلفت انتباه سكان المنطقة، وحسب منة حسام، إحدى سكان العقار: «البيسين لسه ما فتحش عشان العمارة لسه جديدة، بس اتفقنا مع صاحب العمارة على قيمة الاشتراكات وعلى تخصيص أيام معينة للسيدات عشان كلنا ناخد راحتنا».
تقدم العمارة للسكان مميزات مختلفة، كقاعة الأفراح التى يقيمون فيها حفلاتهم: «القاعة زيها زى بره بالظبط، السكان بيدفعوا قيمة بسيطة مقابل حجزها، ولو حد من بره حابب يعمل خطوبة أو فرح فيها، لازم حد من السكان هو اللى يحجز باسمه عشان يكون موثوق فيه»، وقريباً يشهد السطح افتتاح «كافيه» يستفيد منه سكان العمارة فقط: «صاحب العمارة بيدلعنا، هيخلينا نعسكر جوه العمارة وما نخرجش منها كل حاجة حوالينا».
«المنطقة ما بقتش شعبية زى زمان وكلها أبراج وعمارات، فحبيت أعمل حاجة مختلفة وبنختار الناس اللى هتسكن من السلوك الكويس والتعليم».. هكذا يختار المهندس جبر عواد، مالك العمارة، الراغبين فى الانضمام إلى العمارة، كما أنه ترك لسكان العمارة، تحديد قيمة الاشتراك التى يريدونها لحمام السباحة: «قريب هنعمل كافيه على قد السكان ونشغل فيه ناس اللى هو هيجيب مصاريفه بس مش هيبقى غالى».
تعليقات الفيسبوك